ئەسسالامۇ ئەلەيكۇم دوستلار!                                                               
         ‹‹ئىزباسار›› ژۇرنىلىمىزنىڭ بىرىنچى سانى ھەر قايسىڭلارنىڭ قوللاپ قۇۋەتلىشى، ئىزباسار گۇرۇپپىسىدىكى بارلىق ئەزالارنىڭ جاپالىق تېرىشىشى ئاستىدا مانا كەڭ قېرىنداشلار بىلەن يۈز كۆرۈشۈپ تۇرۇپتۇ.  ‹‹ئىزباسار›› ژۇرنىلىمىز مەلۇم سەۋەپلەر تۈپەيلىدىن ئەسلى دېيىلگەن ۋاقىتتىن خېلىلا كېچىكىپ قېرىنداشلار بىلەن يۈز كۆرۈشتى. بۇنىڭ ئۈچۈن  ئىزباسار گۇرۇپپىسى كەڭ قېرىنداشلاردىن ئەپۇ سورايدۇ.                                                        
        بىرىنجى سانى بولغانلىقى ئۈچۈن ژۇرنىلىمىزدا نۇرغۇن يىتەرسىزلىكلەر ساقلانغان، بىز ژۇرنالنى مۇكەممەللەشتۈرۈش ۋە بىر نەچچە خىل نۇسخىدا ئىشلەپ مۇكەممەل شەكلىنى دوستلار بىلەن يۈز كۆرۈشتۈرۈشنى ئاساسىي مەقسەت قىلغانلىقىمىز ئۈچۈن ژۇرنالنىڭ ئېلان قىلىنىش ۋاقتىنى يەنە كىچىكتۈرۈشكە توغرا كەلگۈدەك، بىراق بىزگە مەلۇمكى دوستلارنىڭ تاقىتى تاق بولدى ۋە بىزلەر ھەم خېجىللىقتا قالدۇق. شۇڭلاشقا ژۇرنىلىمىزنىڭ سىز كۆرۈپ تۇرغان ئانچە مۇكەممەل بولمىغان نۇسخىسىنى چىقىرىپ تۇرۇشقا توغرا كەلدى. بىز بىر ھەپتە ئىچىدە ژۇرنالنى تىخىمۇ مۇكەممەللەشتۈرۈش بىلەن بىرگە بىر نەچچە خىل شەكلىنى دوستلار بىلەن يۈز كۆرۈشتۈرۈشكە تىرىشىمىز. دوستلارنىڭ توغرا چۈشىنىشىنى  ئۈمۈد قىلىمىز.                                                                                 
        ئىزباسار گۇرپىسىنىڭ مەقسىتى پەقەت بىر. ئۇ بولسىمۇ دوستلارنىڭ مەنىۋىي تۇرمۇشىنى ئاز-تولا بولسىمۇ بېيىتىش. بىز مانا مۇشۇ مەقسەتنى ئاساس قىلغان ھالدا ‹‹ئىزباسار›› ژۇرنىلىدىن قېرىنداشلارنىڭ تېخىمۇ ياخشى بەھىرلىنىشى ئۈچۈن ‹‹ئىزباسار›› ژۇرنىلىمىزنىڭ باسما نۇسخىسىنى كېرەك دەپ قارىغۇچى قېرىنداشلارنىڭمۇ تەلىپىنى قاندۇرۇشنى ئويلاپ تەشۋىق قىلىشنى ئاساسى مەقسەت قىلىپ سىناق تەرىقىسىدە پەقەت  300~200 پارچە چىقارماقچى. ئالدى بىلەن تور بېتىمىزدىن ژۇرنالنى كۆرۈپ چىققاندىن كىيىن كېرەك دەپ قارىغۇچىلار2-ئاينىڭ 25-كۈنىدىن بۇرۇن بۇ 1499695129 :QQ نىڭ ئىلخەت ئادرىسىغا ئۆز تۇرۇشلۇق ئادرىسىنى يوللاش ئارقىلىق مۇشتەرى بولسا بولىدۇ. (بۇرۇن مۇشتەرى بولغۇچىلارنىڭ قايتا مۇشتەرى بولىشىنى تەۋسىيە قىلىمىز، سەۋەب سىزنىڭ ژۇرنىلىمىزنى كۆرۈپ چىقىپ قارار چىقىرىشىڭىزنى ئۈمۈد قىلىمىز!). بۇ ئەلۋەتتە خالىسانە خىزمەت بىز ئەسلى تەشۋىقاتنى ئاساس قىلغانلىقىمىز ئۈچۈن دوستلاردىن پۇل تەلەپ قىلمىساق بولاتتى.  بىراق دوستلارغا مەلۇمكى ھەممىمىز ئوقۇغۇچى ،بىزنىڭ ‹‹ئىزباسار›› نى چىقىرىشتىكى مەقسىتىمىز دوستلارغا قۇياشتەك روشەن ،شۇڭلاشقا مۇشتەرى بولغۇچىلارنىڭ 20يۈەن(رەڭلىك چىقارماقچى ھەقىقى باھاسىنىڭ قانچە بولىشى تىخى بىزگە نامەلۇم ھازىرچە 20 يۇەن مۆلچەر قىلدۇق )دىن  بۇ سودا-سانائەت بانكىسىنىڭ كارىغا يوللاپ بېرشىڭلارنى سورايمىز.