% 9.6 لىك ئېشىش سۈرئىتى، جۇڭگونىڭ ئىقتىسادى «قاتمال ھالەت»كە ياكى «پۇل پاخاللىقى»غا دۇچ كېلەمدۇ-يوق دېگەن مۇلاھىزىلەرگە قارىتا، ئۆتكەن يېرىم يىلدا ئىچكى ئىشلەپچىقىرىش ئومۇمىي قىممىي ئېشىپ، يامان ئەمەس بىر جاۋاب چىقتى. جۇڭگو ئىستاتىستىكا ئىدارىسىنىڭ باياناتچىسى شېڭ لەييۈن بۇ سۈرئەتكە باھا بېرىپ مۇنداق دېدى: «12-بەش يىللىق يىرىك پىلاندا بېكىتىلگەن تەرەققىيات نىشانىغا، شۇنداقلا خەلقئارا قاتلامغا نېسبەتەن ئېيتقاندا، بۇ سۈرئەت تۆۋەن ئەمەس.»

شېڭ لەييۈن مۇنداق دېدى: «نۆۋەتتىكى ۋە بۇندىن كېيىنكى بىر مەزگىلگە نەزەر سالغاندا، جۇڭگو ئىقتىسادىنىڭ ئېشىش ھەركەتلەندۈرگۈچ كۈچى يەنىلا بىرقەدەر كۈچلۈك، ئىقتىسادنىڭ ئېشىش سۈرئىتى تېز تۆۋەنلەشىنىڭ خەۋپى بىر قەدەر كىچىك. سېلىنما جەھەتتىن قارىغاندا، بۇ يىل «12-بەش يىللىق» يىرىك پىلان باشلانغان يىل بولۇپ، جايلارنىڭ مەبلەغ سېلىش ئاكتىپلىقى بىرقەدەر يۇقىرى، ئۆتكەن يېرىم يىلدا يەرلىكتىكى سېلىنمىنىڭ ئېشىش سۈرئىتى %28.1 بولۇپ، ئەل ئارا سېلىنمىنىڭ ئېشىش سۈرئىتى %33.8 كە يەتكەن، پۈتۈن مەملىكەتتىكى تۇراقلىق مۈلۈكنىڭ ئوتتۇرىچە ئېشىش سۈرئىتىدىن يۇقىرى بولغان، بۇ بازارنىڭ ئۆز سېلىنمىسىنى ئاشۇرۇش سۈرئىتىنىڭ بىرقەدەر تېز ئىكەنلىكىنى چۈشەندۈرىدۇ.» (جۇ جيەنخۇڭ خەۋىرى؛ جۇڭگو مىللەتلەر تىل-يېزىق تەرجىمە ئىدارىسى تەرجىمىسى)

　　مەنبە : خەلق تورى